రాష్ట్ర అబివృద్ది ప్రత్యేక హోదా వల్లే సాధ్యం – ఏపీ సీఎం జగన్

రాష్ట్ర విభజన వల్ల ఏపీ ఎంతో నష్టపోయిందని, పారిశ్రామికంగా, మౌలిక వసతులు పరంగా, నిరుద్యోగులకు ఉద్యోగ కల్పన వంటివి సాధ్యపడాలంటే కేవలం రాష్ట్రానికి ప్రత్యేక హోదా తోనే సాధ్యమౌతుందని ముఖ్యమంత్రి జగన్ మోహన్ రెడ్డి స్పష్టం చేశారు. ప్రధాని మోడీ అధ్యక్షతన జరిగిన నీతి అయోగ్ ఆరవ పాలక మండలి సమావేశంలో జగన్ పాల్గొన్నారు. మౌలిక సదుపాయాలు, ప్రొడక్షన్, వ్యవసాయం, పౌష్టికాహారం తదుపరి అంశాలపై ఈ సమావేశంలో చర్చించారు. విభజనకు ముందు పార్లమెంటు సాక్షిగా రాష్ట్రానికి ప్రత్యేక హోదా ప్రకటించినట్లు  ఈ సంధర్భంగా ఆయన గుర్తుచేశారు.రాష్ట్రంలో టయర్‌-1 నగరం కూడా లేదని సీఎం జగన్ ఆవేదన వ్యక్తం చేశారు.